គំហុក​អគ្គិសនី​ប្រើ​ឋ​ម​ពលព្រះ​អាទិត្យ បង្ខំ​ឲ្យ​បណ្តាញ​កាប​អូ​តង់ស្យុង ទ្រាំទ្រ​មិនបាន ត្រូវ​បិទ​រោងចក្រ​មួយចំនួន ដោយ​រដ្ឋ​ចេញថ្លៃ​…​ខាត​

ប្រទេស​វៀតណាម គេ​អនុវត្ត​ការអនុវត្ត​ការអភិវឌ្ឍន៍​អគ្គិសនី «​ទីផ្សារ​» ពេញលេញ ។ តាម​នោះ គេ​ប្រើ​គំនាស់​សេដ្ឋកិច្ច​ធំ​បំផុត គឺ​ថ្លៃ​ភ្លើងអគ្គិសនី​ទិញ​ចូល ហើយ​កំណត់​ពេលវេលានៃ​ថ្លៃ​ទិញ​មួយ​ដែល​ស្ថិរភាព​ដល់​ទៅ ២០ ឆ្នាំ ។​

​ត្រឡប់មក​ថ្ងៃទី​២៣ ខែមេសា គឺមាន​រោងចក្រ​អគ្គិសនី​ប្រើ​ឋា​ម​ពលព្រះ​អាទិត្យ​តែ​៤​ប៉ុណ្ណោះ ហើយ​មាន​ផលិតផល​ដល់​ត្រឹម 150 MW (​មេ​ហ្គា​វ៉ា​ត់​) ដែល​ដំណើរការ ។ ប៉ុន្តែ ដោយហេតុតែ​រដ្ឋ​វៀតណាម «​ជ្រុល​» កំណត់ថា ផលិតផល​អគ្គិសនី ភ្ជាប់​បណ្តាញ​មុន​ខែកក្កដា ២០១៩ គេ​ទិញ ២.០៨០ ដុង ក្នុង 1kwh (0,090 USD/kwh) ខណៈពេល​ថ្លៃ​លក់រាយ​ឲ្យ​អតិថិជន​ត្រឹមតែ ១៨០ ដុង​/kwh (0,08 USD/kwh) ដោយ​ប្រើ​បង្គ្រប់​ខាត ។​

​ស្មាន​ពុំ​ដល់​ថា ពីថ្ងៃ​ទី​២៣ ខែមេសា ដល់​ថ្ងៃទី​១៧ ឧសភា រោងចក្រ​អគ្គិសនី «​ស្អាត​» នេះ បាន​កើន​ដល់ ២៧ រោងចក្រ ផលិត​បាន​អគ្គិសនី​កើន​ប្រថុចញ៉ុច​គឺ 1400 MW បន្ថែមទៀត ។​

​លោក Nguyen Duc Ninh អនុប្រធាន​មជ្ឈមណ្ឌល​សម្របសម្រួល​ប្រព័ន្ធ​អគ្គិសនី​ជាតិ (AO) ប្រាប់ថាៈ ខែឧសភា មិថុន កក្កដា ឆ្នាំ​២០១៩ នឹងមាន​រោងចក្រ​អគ្គិសនី​ប្រើ​ឋា​ម​ពលព្រះ​អាទិត្យ​តូចធំ​ដល់​ទៅ ៨៨ រោងចក្រ ។ នេះ​ជា​កំណើន​គ្មាន​អ្នកណា​ស្មាន​ដល់ ។ ទំហំ​ដល់ Dealine (​ខែកក្កដា ២០១៩) នោះ​កិច្ចការ​របស់ AO មិនធម្មតា​ទេ ដើម្បី​សម្របសម្រួល​ចរន្តអគ្គិសនី​ទាំងនោះ ចូលក្នុង​បណ្តាញ​អគ្គិសនី​ជាតិ ។​

​ឥឡូវ AO ត្រូវ​ប្រើ បុគ្គលិក​បន្ថែម ហើយ​ធ្វើការ​ទាំង​ថ្ងៃអាទិត្យ ទើប​សម្រេច​ភារៈកិច្ច​បាន ។ លោក​ថា អស្ចារ្យ​ណាស់​! ត្រឹម​យន្តការ​ថ្លៃ ២.០៨៦ ដុង​/kwh រយៈពេល ២០ ឆ្នាំ ចំពោះ​រោងចក្រ​ដំណើរការ​មុន​ខែកក្កដា ឆ្នាំ​២០១៩ វា​បាន​ប្រភព​ឋ​ម​ពល​ច្រើន​បែបនេះ ។

​យ៉ាងណា ប្រហែលជា​នៅ​កម្ពុជា​ពិបាក​អនុវត្ត​ដោយសារ​សភាព «​ផ្តាច់មុខ​» របស់ E.D.C ។​

​ដរាបណា​គ្មាន​ការ​ប្រ​ជែ​អ ប្រកបដោយ​តម្លាភាព​គណនេយ្យភាព​នោះ «​នៅ​យូរ​» ទើប​យើង​រកបាន​រាប់លាន​មេ​ហ្គា​វ៉ាត​ឋា​ម​ពល​ដូច​ទង្វើ «​ជ្រុល​» របស់​វៀតណាម ។​

​មិន​ប្រៀបធៀប​ទេ​! តែ​ចង់​ឲ្យ​មានការ​ច្បិច​យក​បទពិសោធន៍​ពី​ប្រទេស​គេ ។ បែបនេះ យើង​អាច​រំលង​ចោល​នូវ​ពេលវេលា​អត់​ប្រយោជន៍ ដោយ​ចៀសវាង​បាន​ហានិភ័យ​ផងដែរ ។​

«​ឲ្យ​ដំបង​១ ហើយ​ចំណុច​ពឹងផ្អែក​មួយ ខ្ញុំ​នឹង​គាស់​ផែនដី​នេះ​ឲ្យ​អ្នកមើល​» មែន​ទេ​! ៕ Source: https://ksn.news